Jaguar arudisha shukrani katika jamii

Jaguar ajitolea kutumbuiza watoto

Jaguar, msanii wa muziki kutoka nchini Kenya, ameendelea kuonyesha moyo wake wa upendo kwa jamii, safari hii akiwa amejitolea muda wake kukutana na watoto wenye matatizo ya mtindio wa ubongo na kufurahia wakati mzuri pamoja nao.

Msanii Jaguar akiwa na watoto jukwaani

Jaguar ametumia nafasi hii kutoa burudani kwa kuimba mbele ya watoto hawa kwa lengo la kuwaburudisha kwa moyo wote katika jukwaa licha ya hali yao ya matatizo ya akili.
Tukio hili linaongeza alama katika rekodi ya matukio ya msanii huyu kurudisha shukrani kwa jamii kwa misaada ya aina mbalimbali kuanzia kusaidia vituo mbalimbali vya watoto yatima mpaka kusomesha watoto wanaotoka katika mazingira magumu.